दाङ, असोज २२ । बर्दियाको गेरुवा गाउँपालिका – ५ झबहीकी १० बर्षीया भारती (एन्जल) देउवाको हत्या आरोपी एक युवक पक्राउ परेका छन् । पक्राउ परेका युवकले हत्या स्वीकार गरेका छन् ।
इलाका प्रहरी कार्यालय शान्ति बजारका प्रमुख प्रहरी निरीक्षक मदन गुरुङले प्रारम्भीक अनुसन्धानबाट एन्जलको हत्या स्थानीय २२ बर्षीय एक युवकले गरेको स्वीकार गरेका छन् ।
कानमा लगाएको दुई आनाको सुनको मुन्द्री र घाँटीमा लगाएको दुई तोलाको चाँदीको सिक्री लुटनका लागि उनले एन्जलको हत्या गरेको स्वीकार प्रहरी समक्ष गरेको इलाका प्रहरी कार्यालय शान्ति बजारका प्रमुख प्रहरी निरीक्षक मदन गुरुङले बताए ।
हत्या आरोपी युवक बिबाहित छन् । बुधबार नै प्रहरीले उनलाई पत्रकार सम्मेलन गरि सार्वजनिक गर्ने तयारी गरेको छ ।
एक्लै साइकलमा यात्रा गरि रहेकी एन्जलको असोज १७ गते दिउँसो हत्या भएको थियो ।
खोलामा माछा मार्न गएका युवकले एन्जल एक्लै साइकलमा आइ रहेको देखेपछि सनुका मुन्द्री लुट्ने उदेश्यले उनको हत्या गरेको प्रहरी समक्ष बयान गरेका छन् ।
असोज १८ गते दिउँसो गेरुवा गाउँपालिका – ५ मुलपानी बुढीखोला क्षेत्रमा एन्जलले प्रयोग गरेको साइकल , लगाएका चप्पल फेला परेको थियो ।
एन्जलको शब सोही खोला किनारमा गाडेको अवस्थामा सोमबार दिउँसो फेला परेको परेको थियो ।
एन्जलको शब पोष्टमार्टमका लागि बाँकेको नेपालगंज पठाइएको छ ।
