दाङ , असोज २१ । बलात्कार मुद्दामा १२ बर्ष कैद सजाय तोकिएका फरार प्रतिबादीलाई प्रहरीले बाँकेमा पक्राउ पछि मंगलबार जेल चलान गरिएका छन् ।
जाजरकोट जिल्लाको जुनीचाँदी गाउँपालिका – ५ का रेशमबहादुर बस्नेत बाँकेमा पक्राउ परेका थिए । बाँकेको बैजनाथ गाउँपालिका – २ बाट बस्नेत पक्राउ परेका थिए ।
पक्राउ पछि बस्नेतलाई जिल्ला अदालत जाजरकोटमा मंगलबार पेश गरिएको थियो । अदालतको आदेशले उनलाई तोकिएको सजाय भुक्तान गर्नका लागि जिल्ला कारागार जाजरकोटमा चलान गरिएको जाजरकोटका प्रहरी प्रबक्ता प्रहरी निरीक्षक हरिराम डाँगीले जानकारी दिए ।
जिल्ला अदालत जाजरकोटको लगत नम्बर ३२५ मा उच्च अदालत सुर्खेतले २०८१/०९/२३ गते बस्नेतलाई १२ बर्ष कैद र एक हजार आठ सय रुपैयाँ जरिवानाको फैसला सुनाएको थियो ।
प्रकाशित मिति : २०८२ असोज २१ गते मङ्गलवार
