शरद रेग्मी, तुलसीपुर, साउन १ दाङ । अबैध मार्ग तल्लो बाटो हुँदै अमेरिका जानेक्रममा बाटोमै अस्ताएका पूर्बबहादुर डाँगीका परिवारलाई ६ लाख सहयोग हस्तान्तरण गरिएको छ ।
नेपाली काँग्रेस दाङका सभापति शंकरप्रशाद डाँगीले परिवारजनलाई ६ लाख रकम हस्तान्तरण गरेका हुन ।
नेपाली काग्रेस दाङका सभापति शंकरप्रसाद डाँगी, तुलसीपुरका नगर सभापति सुरेश हमाल, तुलसीपुर वडा नम्बर ९ का वडाध्यक्ष घनश्याम ढकाल, काँग्रेसका युवा नेताहरु दुर्गाबहादुर खड्का र सन्तोष चौधरी लगाएतले स्वर्गिय पूर्णका बुवा तेजबहादुर डाँगीलाई ६ लाख ३ हजार ७ सय रुपैया हस्तान्त्रण गरिएको हो ।
अमेरिकामा रहेको राप्ती समाजका अध्यक्ष डिबीबहादुर रावतको नेतृत्वमा उक्त रकम शंकलन गरिएको थियो ।
काग्रेस दाङका सभापति डाँगीले पीडित परिवार जनका लागि आपसमा सहयोग जुटाउन अमेरिकामा रहेका रावतलाई आग्रह गरेका थिए ।
गत फागुन २१ गते अमेरिका जानेक्रममा घानाको आका भन्ने स्थानमा ह्रदयघातका कारण डाँगीको ३७ बर्षको उमेरमा निधन भएको थियो ।
