तुलसीपुर, साउन २७ । मध्यराति भरुवा बन्दुकसहित दुई जना शिकारी पक्राउ परेका छन् ।
तुलसीपुर उपमहानगरपालिका – ४ सुनवलपुरका ३६ बर्षीय टंककुमार सिजाली र २९ बर्षीय युवराज गिरीलाई शनिबार मध्यराति प्रहरीले स्थानीय जंगल क्षेत्रवाट पक्राउ गरेको हो ।
उनीहरु तुलसीपुर – ४ ठूलाखालीस्थित गादीबरा सामुदायिक वन क्षेत्रबाट मध्य रातिमा पक्राउ परेका हुन ।
उनीहरुको साथबाट एक थान भरुवा बन्दुक र त्यसमा लाग्ने २१ वटा छर्रासमेत बरामद भएको छ ।
पक्राउ पछि उनीहरुलाई इलाका प्रहरी कार्यालय तुलसीपुरको प्रहरी हिरासतमा राखिएको छ । इप्रकाका प्रहरी प्रबक्ता प्रहरी निरीक्षक प्रकाश थापाले उनीहरु चोरी शिकारी भएको आशंका भइ रहेको बताए ।
उनीहरुमाथि अनुसन्धान भइ रहेको प्रहरीले जनाएको छ ।
प्रकाशित मिति : २०८१ साउन २७ गते आइतवार
