तुलसीपुर, असार २२ । दाङको देउखुरीमा ट्रककको ठक्करबाट मोटरसाइकल चालकको मृत्यु भएको छ ।
दुर्घटनाका घाइते गढवा गाँउपालिका– १ का ४४ बर्षीय सन्तोषकुमार योगीको उपचारका क्रममा मृत्यु भएको छ । घाइते योगीको प्रस्ताबित भालुवाङ अस्पतालमा उपचारका क्रममा मृत्यु भएको प्रहरीले जानकारी दिएको छ ।
पूर्व पश्चिम राजमार्ग अन्तरगत राप्ती गाउँपालिका – १ मा पूर्व तर्फ जाँदै गरेको रा १ ख २०६३ नम्बरको मिनी ट्रकले बिपरित दिशा तर्फ आउँदै गरेको लु १४ प ४९९९ नम्बरको मोटरसाइकललाई दिउँसो ठक्कर दिएको थियो ।
ठक्कर दिने सवारी साधन र घोराही १३ का चालक ३२ बर्षीय राजकुमार विकलाई प्रहरी नियन्त्रणमा छन् ।
प्रकाशित मिति : २०८१ असार २३ गते शनिवार
