तुलसीपुर , असार १५ । तुलसीपुरको ग्वारखोला पुल नजिकै भएको मोटरसाइकल दुर्घटनामा एक युवकको मृत्यु भएको छ ।
पछाडि सवार ब्यक्ति घाइते छन् ।
तुलसीपुर उपमहानगरपालिका – १६ का २० बर्षीय सागर नेपालीको उपचारका क्रममा बाँकेको कोहलपुरस्थित मेडिकल कलेजमा गएराति मृत्यु भएको छ ।
मोटरसाइकलको पछाडि सवार सोही ठाउँका ३५ बर्षीय ताराबहादुर धिताल घाइते रहेको र उनी प्रहरीको निगरानीमा रहेको प्रहरीले बताएको छ ।
पुकार पसल चोकबाट तुलसीपुर उपमहानगरपालिका – १२ ग्वारखोला पुल तर्फ जाँदै गरेको रा ३ प ३७५० नम्बरको मोटरसाइकल अनियन्त्रित भइ दुर्घटनामा परेको थियो भएको इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक प्रकाश थापाले बताए ।
मोटरसाइकल झन्डै १५ मिटल तल खसेको प्रहरीले जानकारी दिएको छ । पछाडि सवार ब्यक्ति प्रहरीको निगरानीमा तुलसीपुरमै उपचाररत छन् ।
प्रकाशित मिति : २०८१ असार १६ गते शनिवार
