सल्यान, बैशाख २३। घरायसी बिवादमा बन्चरो प्रहार गरेर श्रीमतिको ज्यान लिन खोज्ने व्यक्ती पक्राउ परेका छन् ।
सल्यानको शारदा नगरपालिका वडा नम्बर ८ स्थित सिमखर्कका ५० बर्षिय नन्दलाल रोकाले ज्यान मार्ने उदेश्यले श्रीमतिलाइ बन्चरो प्रहार गरेर गम्भीर घाइते बनाएको भन्दै प्रहरिले पक्राउ गरेको हो ।
जिल्ला प्रहरी कार्यालय सल्यानका अनुसार श्रीमानको बन्चरो प्रहारबाट गम्भीर घाइते ४७ बर्षिया काली रोकाको अहिले सल्यान जिल्ला अस्पतालमा उपचार भैरहेको छ । अस्पतालका अनुसार घाइते अहिले खतरामुक्त छिन् ।
शनिबार राती करिव ९ बजेतिर घरायसी विवाद हुदा नन्दलालले श्रीमतिको टाउकोमा बन्चरो प्रहार गरेका थिए ।
घटनाबारे थप अनुसन्धान भैरहेको प्रहरिले जनाएको छ ।
प्रकाशित मिति : २०८१ बैशाख २३ गते आइतवार
