दाङ, माघ २ । बर्दियामा रोकिराखेको ट्रकमा मोटरसाइकल ठोक्किदा एक जनाको मृत्यु भएको छ ।
मृतक मोटरसाइकलमा सवार बर्दियाको राजपुर नगरपालिका – ५ बदलापुरका ३५ बर्षीय बिन्द्राप्रशाद चौधरी रहेका छन् ।
चौधरी सवार भे ७ प ६११ नम्बरको मोटरसाइकलसोमबार राति बदलापुरस्थित सडकमा रोकिराखेको ना ८ ख १३८५ नम्बरको ट्रकमा ठोक्किएको थियो । उक्त दुर्घटनामा परि गम्भीर घाइते भएका चौधरीलाई उपचारका लागि बर्दिया जिल्ला अस्पताल गुलरियामा लगिएको थियो ।
उपचारका क्रममा चौधरीको सोही अस्पतालमा मृत्यु भएको जिल्ला प्रहरी कार्यालय बर्दियाले जानकारी दिएको छ ।
प्रकाशित मिति : २०८० माघ २ गते मङ्गलवार
