प्रिया स्मृती गजमेर,लमही,मंसिर २० । लमही नगरपालिकाका कार्यवाहक नगर प्रमुख लक्ष्मी योगीले राज्यले गरेको लगानी उपलब्धिमूलक हुनु जरुरी रहेको बताएका छन।
राज्यले गरेका हरेक कार्यक्रमबाट नागरिकले प्रत्यक्ष लाभ लिन सक्ने खालको बाताबरण हुनुपर्ने बताए ।
शिक्षा, बिज्ञान तथा प्रविधि मन्त्रालय संयुक्त राष्ट्र संघीय विकास कार्यक्रम अन्तर्गत आयोजना गरिएको विदेशबाट फर्किएका नेपालीका लागि रोजगारमूलक सीप तथा क्षमता अभिवृद्धि कार्यक्रममा बोल्दै कार्यवाहक नगर प्रमुख योगीले वैदेशिक रोजगारबाट फर्किएर नेपालमै केही पेशा व्यवसाय गर्दै आएका व्यक्तिहरुको सवालमा उनीहरुले गरेका काम र सीपलाई राज्यले प्राथमिकतामा राख्नु पर्ने बताए ।
कृषि उत्पादनलाई जोड दिनु पर्छ, कृषकका उत्पादनलाई यान्त्रिककरण गराउन तर्फ राज्यले ध्यान दिनु पर्छ, जतिपनी वैदेशिक रोजगार गुमाएर वा लामो समय बसेर नेपाल फर्किएका मानिसहरुलाई अब नेपालमै बसेर आफ्नै पेशा व्यवसाय गर्ने तर्फ प्रोत्साहित गर्नु पर्छ”- योगीले भने ।
सो क्रममा बैंकको चर्को ब्याजले नागरिकले निकै सास्ती खेप्नु परेको बताए ।
