दाङ, मंसिर ८ । घोराही नगर प्याब्सनको आयोजनामा दोस्रो घोराही नगर प्याब्सन रनिङ शिल्ड आगामी पुस ७, ८ र ९ गते हुने भएको छ ।
शुक्रबार बसेको घोराही नगर प्याब्सनको बैठकले दोस्रो घोराही नगर प्याब्सन रनिङ शिल्ड आगामी पुस ७, ८ र ९ गते हुने निर्णय गरेको हो ।
रनिङ शिल्डमा प्राथमिक तहदेखि कक्षा १० सम्मका विद्यार्थीहरूलाई सहभागी गराउने उद्देश्यका साथ खेलकुदका विधा समेटिएको अध्यक्ष बीरेन्द्र चन्दले जानकारी दिए ।
साथै आज बसेको बैठकले घोराही नगर प्याब्सनको कार्यसमितिमा रिक्त रहेको सदस्य पदमा रमना पाठशालाका प्रिन्सिपल विष्णु हमाललाई मनोनित गरेको छ ।
प्रकाशित मिति : २०८० मङ्सिर ८ गते शुक्रवार
