तुलसीपुर,मंसिर ४ । शान्तिनगर गाउँपालिका वडा न. २ सिमसुन्दरपुरमा बन्दै गरेको अस्पताल बाहिर लगाएको तारजाली चोरी भएको छ ।
केही दिन अगाडि अस्पताल बाहिर तारबार गरिएको तारजाली हराएको वडाध्यक्ष सुनिल वलीले जानकारी दिए ।
उनका अनुसार २ र ३ अगाडि अस्पतालमा गरिएको तारबार हराएको हो ।
“शुरुमा यहाँ खेलकुद मैदान हुँदा पनि लगाएको तारजाली हराएको थियो । अहिले अस्पताल बन्दै छ । यसको वरपर लगाएको तारजाली फेरि हराएको छ । पहिला करिब २ मिटर हराएको थियो । अहिले फेरि करिब ८० मिटर हराएको छ । वडाध्यक्ष वलीले भने ।”
उनले सरकारी संरचना भएको भन्दैमा कसैले पनि हेला गर्न नपाउने र तारजाली चोरी गर्नेलाई पत्ता लगाएर कानुनी कारबाही गर्ने समेत बताए ।
अहिलेसम्म करिब दुइ र अढाइ लाख बराबरको तारजाली हराएको समेत उनले बताए ।
अझै पनि हराउन सक्ने भन्दै यसको चोरी भएको खोजी कार्य गर्नको लागि प्रहरीलाई जानकारी दिएको बताउदै उनले आफ्नै गाउँ ठाउँमा भएका संरचनाहरू चोरी गर्ने कार्य अमानवीय भएको समेत बताए ।
उनका अनुसार १५ सैयाको निर्माण हुन लागेको अस्पतालको संरचना निर्माण कार्य अहिले पनि जारी रहेको छ । यस संरचनाको संरक्षण गर्ने दायित्व सबैको भएको भन्दै उनले सबै स्थानीयले यश प्रति ध्यान दिनु पर्ने बताए ।
