दाङ, कात्तिक १८ । भूकम्पबाट रुकुम पश्चिमका दुई पालिकामा २७ जनाको मृत्यु भएको छ भने ५३ जना घाइते भएका छन् ।
बिहान ५ बजे सम्मको बिवरण अनुसार सानी भेरी गाउँपालिकामा नौं जना र आठबिसकोट नगरपालिकामा १८ जनाको मृत्यु भएको जिल्ला प्रहरी प्रबक्ता प्रहरी निरीक्षक धर्मेन्द्र खड्काले जानकारी दिए ।
सानी भेरीमा ३ महिला र ६ पुरुष तथा आठबिसकोटमा नौं महिला र नौं पुरुषको भूकम्पका कारण मृत्यु भएको छ ।
आठबिसकोटमा काम बिषेशले बर्दिया बाट गएका दुई जनाकोपनि मृत्यु भएको छ ।
त्यस्तै सानी भेरीमा १५ महिला र १३ पुरुष घाइते भएका छन भने आठबिसकोटमा ११ महिला र १४ पुरुष घाइते भएको जिल्ला प्रहरी प्रबक्ता धर्मेन्द्र खड्काले जानकारी दिए ।
घाइतेको उपचार जारी रहेको छ ।
रुकुम पश्चिममा यी दुई पालिकामा गरि १२ जना महिला र १५ जना पुरुषको मृत्यु भएको छ । त्यस्तै २६ महिला र २७ पुरुष घाइते रहेका छन् ।
