तुलसीपुर,कात्तिक १३ । तुलसीपुर उपमहानगरपालिका ११ ले वडाध्यक्ष कप क्रिकेट प्रतियोगिताको आयोजना गर्ने भएको छ ।
वडाको आयोजनामा हुन लागेको प्रतियोगिता कार्तिक १६ गतेदेखि अमर माध्यमिक विद्यालय उरहरीको खेल मैदानमा सञ्चालन हुने छ । वडाले आइतबार सूचना जारी गर्दै १९ वटै वडाबाट खेलाडीहरूले सहभागिता जनाउन सक्ने जनाएको छ ।
प्रतियोगितामा पालिका भित्रका वडाले एकरएक टोली र वडा नम्बर ११ को हकमा भने एक भन्दा बढि भएमा टिम दर्ता गर्न सकिने वडाध्यक्ष मान बहादुर रावतद्धारा जारी सूचनामा उल्लेख गरिएको छ । प्रतियोगितामा सहभागी हुन वडा कार्यालयको सिफारिस र नागरिकताको प्रमाण पत्र लिई १५ गते भित्र दर्ता गरिसक्नुपर्ने छ ।
टिम दर्ताको लागि २ हजार रुपैयाँ तोकिएको छ । प्रतियोगितामा प्रथम हुनेलाई २५ हजार र द्वितीयले १५ हजार पुरस्कारको व्यवस्था गरिएको छ । क्रिकेट खेलको विकास लागि उपमहानगर स्तरीय प्रतियोगिताको आयोजना गरिएको अध्यक्ष रावतले बताएका छन ।
