दाङ,असोज २० । दाङको तुलसीपुरबाट सल्यान जाँदै गरेको बस दुर्घटनामा परेर २ जना महिलाको मृत्यु भएको छ ।
मृत्यु हुनेमा तुलसीपुर उपमहानगरपालिका ६ कि सुमित्रा सुनार र सल्यान त्रिवेणी गाउँपालिका ६ कि अनिता बोहरा रहेको जिल्ला प्रहरी कार्यालय सल्यानले जनाएको छ।
तुलसीपुरबाट सल्यानको जयचौर जाँदै गरेको ना ६ ख ५४६३ नम्बरको बस शनिवार दिउसो दुर्घटना भएको थियो ।
कपुरकोट गाउँपालिका ३ मूलपानी नजिकै भएको दुर्घटनामा ६ जना गम्भीर घाइते भएका छन् ।
बसमा २९ जना सवार रहेका थिए । जिल्ला प्रहरी कार्यालय सल्यानले घाइतेलाई तुलसीपुर अस्पताल पठाइएको जनाएको छ।
प्रकाशित मिति : २०८० असोज २० गते शनिवार
