लक्ष्मण बस्नेत,तुलसीपुर,असोज १५ । माबी तुलसिपुर सेन्टर ईन्ट्रा स्कुल खसी कप सेभेन ए साईट फुटबल प्रतियोगिता ईलेक्ट्रीकल कक्षा ११ ले जितेको छ ।
ईलेक्ट्रीकल ११ ले आयोजना गरेको प्रतियोगिताको फाईनलमा ईलेक्ट्रीकल कक्षा १२ लाई पेनाल्टी सुट आउटमा २ का बिरुद्ध ३ गोलले पराजित गर्दै ईलेक्ट्रीकल ११ ले खसी कप फुटबल जितेको हो ।
उसले २० हजार बराबरको खसी हात पार्यो ।
माबी सेन्टरको खेल मैदानमा भएको कडा प्रतिस्पर्धा अनि रोमाञ्चक खेलको निर्धारित समय सम्म गोल रहित बराबरी भएपछी नतिजा पेनाल्टी सुटआउट वाट निकालिएको बिधालयका खेलकुद शिक्षक दुर्गाराज लवटले जानकारी दिए।
दुईदिनसम्म चलेको प्रतियोगितामा बिधालयका जनरल,आईटी,म्यानेजमेन्ट,जियोम्याटिक्स,ईलेक्ट्रीकल लगाएतका दस टिमको सहभागिता रहेको थियो ।
यसैबिच माबी तुलसीपुर सेन्टरले यहि असोज १२ र १३ बुटवलमा सम्पन्न प्रथम लुम्बिनी प्रदेश स्तरिय खुला कराते प्रतियोगितामा कास्य पदक बिजेता खेलाडी विशाल जिसि लाई सम्मान गरेको छ ।
माबी तुलसिपुर सेन्टरमा अध्ययनरत बिशालले ५५ केजि तौल समूह कुमुते तर्फ तेस्रो स्थान हात पारेका थिए ।
पछिल्लो समय बिधालय लाई खेलमैत्री बनाउन चासो र चिन्तनका साथ शसक्त लागि परेको माबी सेन्टरले खेलाडीलाई थप हौसला प्रदान गर्न बधाई तथा सम्मानका कार्यक्रम गर्ने गरेको बिधालयले जानकारी दिएको छ ।
