२०७७ कार्तिक ८ गते शनिवार

तुलसीपुरमा तीन जना मिटर चोर पक्राउ


दाङ, वैशाख १७ । तुलसीपुर खानेपानीका पदाधिकारीले धाराको मिटर चोरी गर्दै हिड्ने एकजना व्यक्तिलाई मंगलवार पक्राउ गरेका छन् । तुलसीपुर खानेपानी उपभोक्ता तथा सरसफाई संस्थाका सचिव मनोज लामिछानेले मिटर चोर्दै गर्दा एकजना युवालाई पक्राउ परेका हुन ।

तुलसीपुर क्षेत्रमा खानेपानी धारामा जडान गरिएका मिटरहरु धमाधम चोरी हुन थालेपछि खानेपानीका पदाधिकारीहरु त्यसका अनुसन्धानमा लागेका थिए । मिटरहरु चोरी गर्ने तीन जना भारतीय नागरिक पक्राउ परेको सचिव लामिछानेले जानकारी दिए । ‘पुरानो मिटर पित्तलको हुन्थ्यो र त्यो विग्छ त्यही भएर चोरी गर्दा रहेछन् । तर आजकल आएको नयाँ भने पित्तलको हुँदैन ।

त्यसैले त्यो चोरी हुँदैन,’ लामिछानेले भने। खानेपानीमा दैनिक ८÷१० वटा ग्राहकहरुले मिटर चोरी भएको गुनासो लिएर कार्यालयमा आउन थालेपछि खानेपानी त्यो अनुसन्धानमा लागेको सचिव लामिछानेले बताए । केही दिनमै तुलसीपुर क्षेत्रवाट ४० देखि ५० वटा सम्म मिटरहरु चोरी भएको भन्ने गुनासो कार्यालयमा आएको उनले बताए ।

पक्राउ परेका तीन जनालाई ईलाका प्रहरी कार्यालय तुलसीपुरमा राखिएको छ ।

प्रकाशित मिति : २०७६ बैशाख १७ गते मङ्गलवार
प्रतिक्रिया दिनुहोस

Leave a Reply

Your email address will not be published. Required fields are marked *