तुलसीपुर, असोज ३ । संविधान दिवसको अवसरमा दाङबाट २२ जना कैदीबन्दी छुटेका छन ।
तुलसीपुर कारागारबाट १४ र घोराही कारागारबाट ८ जना कैदीबन्दी छुटेका हुन् ।
तुलसीपुरका जेलर चिन्तामणी रेग्मीका अनसार १ जना महिला र अन्य १३ जना पुरुष कैदीबन्दी छुटेका छन ।
उनले कर्तव्य ज्यान, सवारी ज्यान, हातहतियार खरखजना, बहुविवाह र चोरीका गरी १४ जनाको बाँकी कैद मिनाह भएको जानकारी दिए ।
त्यस्तै घोराही कारागारबाट कर्तव्य ज्यानका २ , सवारी ज्यानका २ र चोरी मुद्धाका ४ गरी ८ जना कैदीबन्दी छुटेका छन ।
कैद मिनाहा भएका कैदीबन्दीहरुलाई उनीहरुको आफन्तीको रोहबरमा छोडिएको हो ।
५० प्रतिशत कैद भुक्तान गरेका कैदीबन्दीको बाँकी कैद मिनाह भएको छ ।
प्रकाशित मिति : २०८० असोज ३ गते बुधवार