काठमाडौं ,भदौ १२ । वरिष्ठ पत्रकार एवम् साहित्यकार राजेश्वर नेपालीको निधन भएको छ।
प्रोस्टेट क्यान्सर पीडित नेपालीको सोमबार साँझ ७८ बर्षको उमेरमा जनकपुरस्थित म्याक्स अस्पताल निधन भएको हो।
गत १ बर्षदेखि बिरामी उनको उपचारको क्रममा निधन भएको छोरा राघवेन्द्रप्रसाद साहले जानकारी दिए।
जनकपुरधाम उपमहानगरपालिका–२३ को बेला गाउँमा बुबा रामदुलार साह र आमा इन्द्रमणि देवीबाट विसं २००२ भदौ १९ गते उनको जन्म भएको थियो।
उनले २०१८ साल मङ्सिर २६ गतेदेखि पत्रकारिता शुरुआत गरेका थिए भने २०१५ सालमा ‘जानकी नौवमी’ कविता लेखेर र वाचन गरेर साहित्य लेखन शुरु गरेका थिए।
प्रकाशित मिति : २०८० भाद्र १२ गते मङ्गलवार
