गुल्मी ,साउन ३० । अरिङ्गालले टोक्दा गुल्मीमा २१ वर्षीय युवाको मृत्यु भएको छ ।
जिल्लाको मुसिकोट नगरपालिका वडा नम्बर ४ कालढुङ्गाका शैलेस सिंह ठकुरीको मृत्युु भएको जिल्ला प्रहरी कार्यालय कार्यालय गुल्मीका सुचना अधिकारी प्रहरी नायब उपरीक्षक डिल्लीनारायण पाण्डेले जानकारी दिए ।
प्रहरीका अनुसार, सोमबार साँझ ६ बजेको समयमा उनी साथीहरूसँग मुसिकोट नगरपालिका वडा नम्बर ३ मा रहेको देविस्थान सामुदायिक जंगलमा अरिङ्गाल पोल्न गएका थिए ।
बुबा भगवान सिंह ठकुरीका अनुसार अरिङ्गालले टोक्दा घाइते शैलेस राति घरमा आएर सुतेको र मंगलबार बिहान उपचारको लागि गुल्मीको सदरमुकामस्थित गुल्मी अस्पतालमा ल्याइएको थियो ।
उनलाई बिहान साढे ८ बजे गुल्मी अस्पतालले मृत घोषणा गरेको जिल्ला प्रहरी कार्यालय गुल्मीले जनाएको छ ।
घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।
