दाङ,साउन २३ । गएराती खसेको पहिरोका कारण अवरुद्ध घोराही(लमही सडकखण्ड एकतर्फी सञ्चालनमा आएको छ ।
वर्षाका कारण उक्त सडकखण्डको कुलमोहर र चिसापानीको खसेको पहिरो अहिले हटाइएको छ ।
सोमबार राति १२ बजे पहिरो झर्दा अवरुद्ध भएको सडक बिहान साढे सातबजेपछि एकतर्फी सञ्चालन गरिएको वडा प्रहरी कार्यालय लमहीका प्रमुख शंकर श्रेष्ठले जानकारी दिए ।
सडक पूणर्रुपमा खुल्न समय लाग्ने उनको भनाइ छ । अहिले जेसीबीसहित सुरक्षाकर्मीहरुले पहिरो हटाउने काम गरिरहेका छन् ।
सोमबार पनि सडकखण्ड चार घण्टा अवरुद्ध भएको थियो ।
प्रकाशित मिति : २०८० साउन २३ गते मङ्गलवार
