रुकुम पश्चिम ,साउन १४ । गएराति रुकुम पश्चिममा मोटरसाइकल दुर्घटना हुँदा एक जनाको मृत्यु भएको छ । एक जना घाइते भएका छन् ।
बाँफीकोट गाउँपालिकाको गारागाट सडक खण्ड हुँदै छिनखेतबाट पुरानो ठाँटी जानेक्रममा सानीभेरीमा मोटरसाइकल खस्दा २४ वर्षीय नन्दलाल विकको मृत्यु भएको प्रहरीले जनाएको छ।
जिल्ला प्रहरी कार्यालयका प्रहरी निरीक्षक विष्णुप्रसाद श्रेष्ठका अनुसार गएराति साढे नौ बजे रा ३ प २८६८ नम्बरको मोटरसाइकल अनियन्त्रित भइ सानीभेरी नदीमा खसेको हो ।
प्रहरी निरीक्षक श्रेष्ठले मोटरसाइकल पछाडि रहेका २३ वर्षीय कपिल विकलाई दुर्घटनापश्चात उद्धार गरेर जिल्ला अस्पताल सल्ले पठाएको बताए । घाइते विकको उपचार भइरहेको छ ।
प्रकाशित मिति : २०८० साउन १४ गते आइतवार
