तुलसीपुर,असार १९ । मोटरसाइकल दुर्घटनामा परि गम्भिर घाइते भएका तुलसीपुरका खोपीराम अधिकारीको मृत्यु भएको छ ।
तुलसीपुर उपमहानगरपालिका वडा नं. ११ उरहरी निवासी ५५ वर्षीय अधिकारीको उपचारको क्रममा मंगलबार बिहान साढे ७ बजे नर्सिङहोम नेपालगञ्जमा मृत्यु भएको ईलाका प्रहरी कार्यालय तुलसीपुरले जनाएको छ ।
अधिकारीलाई टाउको र अनुहारमा चोट लागेको थियो । उनी मावि कटाहाका प्रधानाध्यापक हुन ।
गएको शुक्रबार बिहान दुई मोटरसाइकल एकआपसमा ठोक्किदा अधिकारीसहित ४ जना घाइते भएका थिए ।
प्रकाशित मिति : २०८० असार १९ गते मङ्गलवार
