काठमाडौँ,बैशाख २८ । नेपाली कांग्रेसको पदाधिकारी बैठक बिहीबार पनि बस्ने भएको छ। बैठक आज दिउँसो पार्टी सभापति शेरबहादुर देउवाको निवास धुमबाराहीमा बस्नेछ।
बुधबार साँझ बसेको बैठकमा नक्कली भुटानी शरणार्थी प्रकरणमा पक्राउ परेका नेता बालकृष्ण खाणलाई निलम्बन गर्ने कि नगर्ने भन्ने विषयमा छलफल भएको थियो। तर पार्टी निष्कर्समा भने पुग्न सकेको थिएन।
बैठकमा महामन्त्रीद्वय गगन थापा र विश्वप्रकाश शर्माले खाणलाई निलम्बन गर्नुपर्ने अडान राखेको एक नेताले जानकारी दिए।
आजको बैठकले खाणको निलम्बनबारे निर्णय गर्नसक्ने बताइएको छ।
यता, नेकपा एमालेले पार्टी सचिव टोपबहादुर रायमाझीलाई निलम्बन गरिसकेको छ।
प्रकाशित मिति : २०८० बैशाख २८ गते बिहिवार
