लक्ष्मण बस्नेत,तुलसीपुर,माघ २८ । प्याब्सन आधारभुत स्तरिय फुटबल प्रतियोगिता २०७९ शनिवार देखि दाङको बेल्झुन्डिमा सुरु भएको छ ।
निजि तथा आवाशिय अर्गनाइजेसन प्याब्सन तुलसीपुर नगरको आयोजनमा संचालित प्रतियोगिताको तुलसीपुर उपमहानगरपालिकाका मेयर टिकाराम खड्काले उद्घाटन गरेका हुन ।
उद्घाटन समारोहलाई सम्बोधन गर्दै मेयर खड्काले खेलकुद राष्ट्रको सान र पहिचान भएको बताए ।
शारीरिक रुपमा स्वस्थ र अनुशासित नागरिक तयार गर्ने थलो खेलकुद हो,यसले सिङ्गो राष्ट्रको गौरव लाई अन्तरास्ट्रिय जगतमा पहिचानका रुपमा स्थापित गरेकोछ उनले भने ।
खेलकुद आमनागरिकको पहुँचमा हुन आवश्यक रहेको बताउँदै खडुकाले यसका लागि स्थानीय स्तरबाटै खेलकुदको बिकास र बिस्तार गर्ने दायित्व र जिम्मेवारीका साथ आफू लागि पर्ने बताए ।
कार्यक्रममा जिल्ला खेलकुद बिकास समितिका कोषाध्यक्ष ध्रुव आचार्य,प्याब्सन दाङका अध्यक्ष मधुसुदन केसि,नेशनल प्याब्सन तुलसीपुर नगर अध्यक्ष शालिकराम कार्की,अप्टिमिस्ट तुलसिपुर अध्यक्ष मान बहादुर बस्नेत लगाएतले शुभकामना मन्तव्य ब्यक्त गरेका थिए ।
प्याब्सन तुलसीपुर नगर अध्यक्ष गिरिराज डाँगीको अध्यक्षता तथा तुलसीपुर उपमहानगरपालिकाका मेयर टिकाराम खड्काको प्रमुख आतिथ्य एवं ईलाका प्रहरी कार्यालय तुलसीपुरका प्रमुख पुष्पराज मल्लको बिशिस्ट आतिथ्यमा भएको थियो ।
प्याबसन तुलसीपुर नगर उपाध्यक्ष डम्बर डाँगीको स्वागत रहेको कार्यक्रममा विभिन्न कला संस्कृती झल्कने नृत्य प्रस्तुत गरिएको थियो ।
कार्यक्रमको संचालन प्याब्सन तुलसिपुर नगर सचिव विष्णु योगिले गरेका थिए ।
यसैबिच प्रतियोगिताको उद्घाटन समारोह लगत्तै सहभागी बिधालयका प्रिन्सीपल र पत्रकार बिच भएको मैत्रीपूर्ण फुटबल प्रतियोगितामा पत्रकारको टिम शुन्यका विरुद्ध ३ गोलले बिजयी भएको छ ।
फागुन १ गते सम्म चल्ने प्रतियोगिताको बिजेता,उपबिजेता र तृतीय स्थान हासिल गर्ने बिधालयले क्रमशः नगद ९ हजार,७ हजार, ५ हजार कप मेडल तथा प्रमाणपत्र हात पार्नेछन् ।
त्यस्तै ब्यक्तिगत बिधा तर्फ उत्कृष्ट खेल प्रदर्शन गर्ने बेस्ट प्लेयर,बेस्ट किप्पर, बेस्ट डिफेन्स,हाई स्कोरर खेलाडी लाई ट्रफी प्रदान गरिनेछ ।
प्रतियोगितामा २७ बिधालयका फुटबल टिमको सहभागी रहेको छ ।
