तुलसीपुर ,माघ २६ । सीता एयरले काठमाडौं–दाङ उडान फागुनदेखि शुरु गर्ने भएको छ । माघ २५ गते बुधबारदेखि हवाई सेवा दिने जनाएको सीता एयरले फागुन ३ गतेदेखि हवाई सेवा दिने जनाएको छ ।
यसअघि काठमाडौं–दाङ हवाई सेवा नेपाल बायु सेवा निगमले दिदै आएको छ । यसअघि सीता एयरले माघ २५ गतेदेखि हप्तामा एक दिन हवाई सेवा दिने जनाएको थियो ।
सीता एयरले फागुन ३ गतेदेखि नियमित उडान भर्ने जनाएको छ । सीता एयरले माघ १३ गते टरिगाउँ विमानस्थलमा परी क्षण उडान गरेको थियो ।
तयारी पूरा नभएपछि उडान कार्यलाई केही दिन पर सारिएको सीता एयरका महाप्रबन्धक राजेन्द्रबहादुर सिंहले जानकारी दिए ।
फागुन महिनादेखि नियमित उडान भर्ने महाप्रबन्धक सिंहले जानकारी दिए । नेपाल वायु सेवा निगमले हप्तामा चार दिन उडान भर्दै आएको छ ।
प्रकाशित मिति : २०७९ माघ २६ गते बिहिवार
