२०८१ बैशाख १० गते सोमवार

जेष्ठ नागरिकलाई सम्मान स्वरूप न्यानो कपडा प्रदान

तुलसीपुर ,पुस २७ । तुलसीपुर उपमहानगरपालिकाले जेष्ठ नागरिकहरुलाई न्यानो कपडा वितरण कार्यक्रम सुरु गरेको छ ।

उपमहानगरपालिकाले जेष्ठ नागरिकको सम्मान स्वरूप बिगतका बर्ष झै यस बर्ष पनि न्यानो कपडा वितरण कार्यक्रमको थालनी गरेको हो ।

जेष्ठ नागरिक सम्मान कार्यक्रम अन्तर्गत ८४ बर्ष माथिका त्यसमा पनि बिपन्न परिवारका वृद्धवृद्धाहरुलाई न्यानो कपडा ( बल्याङकेट) वितरण गरिएको तुलसीपुर उपमहानगरपालिका महिला बालबालिका तथा सामाजिक बिकाश शाखाका प्रमुख माया श्रेष्ठले जानकारी दिइन ।

तुलसीपुर उपमहानगरपालिका महिला बालबालिका तथा सामाजिक बिकास शाखा,वडा कार्यालय,जेष्ठ नागरिक नगर सन्जाल र जेष्ठ नागरिक लुम्बिनी प्रदेश सन्जालको समन्वय एबम सहकार्यमा न्यानो कपडा वितरण कार्यक्रम भैरहेको श्रेष्ठले बताइन ।

उनका अनुसार उपमहानगरपालिकाले प्रत्येक वडाका १५ जना विपन्न समुदायका ज्येष्ठ नागरिकलाई ब्लांकेट बितरण गर्न शुरु गरेको छ ।

याे कार्यक्रम  उपमहानगरपालिका भित्रका १९ वटा वडामा  संचालन गरिने छ ।

उपमहानगरपालिका भित्र रहेका ८४ वर्ष उमेर पुगेका ७ सय ७२ जनामध्ये विपन्न समुदायका तीन सय ज्येष्ठ नागरिकलाई ब्लांकेट वितरण शुरु गरिएको प्रमुख श्रेष्ठले बताइन ।

ब्लांकेट वितरणका क्रममा ज्येष्ठ नागरिकको स्वास्थ्य परीक्षण समेत गरिएको उनको भनाई छ ।

बुधबारसम्म १७ वटा वडामा न्यानो कपडा वितरण कार्यक्रम सम्पन्न भैसकेको प्रमुख श्रेष्ठले बताइन ।

न्यानो कपडा पाएपछि जेष्ठ नागरिक निकै खुसी देखिएका छन् ।

उपमहानगरपालिकाले गरेको सम्मानले आफुहरुलाई निकै खुसी तुल्याएको एक जेष्ठ नागरिकले बताए ।

प्रकाशित मिति : २०७९ पुष २७ गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *