२०८१ बैशाख १३ गते बिहिवार

तुलसीपुरमा साढे ४ ताेला बराबरको सुनका गरगहना चोरी

तुलसीपुर,पुस २० । तुलसीपुरको एक घरबाट करिब साढे चार तोला बराबरको सुन चोरी भएको छ ।

तुलसीपुर उपमहानगरपालिका ६ स्थित गणेश टोल निवासी तुलसीराम वलीको घरबाट सुनका गरगहना चोरी भएको हो ।

बुधबार दिउँसो ३ बजेर २० मिनेटमा वलीको घरको माथिल्लो तलाको कोठाबाट चोरले दराज फोडेर सुनका गरगहना चोरी गरेको हो ।

चोरले १२ आनाको छड्के तिलहरी एक थान, १२ आनाको कालो मंगलसूत्र एक थान, १० आनाको बाला दुई थान, २ आनाको चन्द्रमा एक थान, ३ आनाको टप दुई थान, ५ आनाको झुम्का दुई थान, १ तोलाको सिक्री एक थान, ४ आनाको बाला दुई थान र ८ आनाको औंठी एक थान चोरी भएको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिए ।

चोरले घरमा केही नभएको समयमा मौका छोपेर सुनका गरगहना चोरेको हो । घटनाको बारेमा थप अनुसन्धान भैरहेको प्रहरीले जनाएको छ ।

प्रकाशित मिति : २०७९ पुष २० गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *