प्रमोद आचार्य, दंगीशरण, मंसिर १९ । दंगीशरण गाउँपालिकाको आयोजनामा स्थानिय तहको निर्वाचनमा निर्वाचित महिला जनप्रतिनिधिहरुकालागी उद्घोषण तथा नेतृत्व विकास सम्बन्धि ४ दिने तालिम आइतबारदेखी गाउँपालिकाको शभाहलमा सुरु गरीएको छ ।
गाउँपालिकामा निर्वाचित महिला जनप्रतिनिधिहरुको नेतृत्व बिकासमा टेवा पु¥याउन तालिमको आयोजना गरीएको सामाजिक विकास समितीका संयोजक रोशन जङ्ग शाहले बताए ।
गाउँपालिका अध्यक्ष सम्भु गिरीको अध्यक्षतामा ४ दिने तालिमको आइतबार एक कार्यक्रमका बिच उद्घाटन गरिएको हो ।
उद्घाटन कार्यक्रममा बोल्दै गाउँपालिका अध्यक्ष गिरीले महिला जनप्रतिनिधिहरुको ब्याक्तित्व विकास गर्न ४ दिने तालिम फलदायी हुने बिश्वास ब्यक्त गरे ।
राज्यको मुल प्रवाहमा महिला नेतृत्व आउनु पर्ने र महिलाहरुको नेतृत्व विकासमा आफु सदैब सकारात्मक रहेको बताए ।
उद्घाटन कार्यक्रममा प्रमुख प्रशासकिय अधिकृत अमर बहादुर वलि ,सामाजिक विकास समितीका संयोजक रोशन जङ शाह लगाएतको सहभागीता रहेको थियो ।
महिला बालबालिका शाखा प्रमुख सुन कुमारी घर्तीको स्वागत मन्तब्यबाट शुरु भएको उद्घाटन कार्यक्रमको सहजीकरण शाखाका महिला विकास सहायक निरीक्षक चन्द्रा वलिले गरेकी थिइन ।
