जुम्ला,कात्तिक २५ । जुम्लामा स्कुलबसको ठक्करबाट एक बालकको मृत्यु भएको छ ।
चन्दननाथ नगरपालिका–९ उमगाडमा कनिका निसा बोर्डिङ स्कुलको भे १ क ३८२ नम्बरको बसले ठक्कर दिँदा ११ वर्षका राजेश गिरीको मृत्यु भएको जिल्ला प्रहरी कार्यालयले जानकारी दिएको छ ।
प्रहरी नायब उपरीक्षक नरेन्द्र चन्दका अनुसार गिरीको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचारका क्रममा निधन भएको हो ।
प्रकाशित मिति : २०७९ कार्तिक २५ गते शुक्रवार
