२०८१ साउन ९ गते बुधवार

जुम्लामा बस्तीमा बाढी पस्ने डर भएपछि ११ घरपरिवारलाई सुरक्षित ठाउँमा सारियो

जुम्ला ,असोज २२ । बाढीको जोखिम भएपछि जुम्लाको तिला गाउँपालिका-३ कुडारीका ११ घर परिवारलाई अन्यत्र स्थानान्तरण गरिएको छ ।

कुडारी खोला बढेर बस्ती डुबाउने जोखिम देखिएपछि खोला नजिकका ११ घर परिवारलाई सुरक्षित ठाउँमा स्थानान्तण गरिएको प्रहरीले जनाएको छ ।

जिल्ला प्रहरी कार्यालयका प्रहरी नायब निरीक्षक नरेन्द्र चन्दका अनुसार बाढीले बगाउने डर भएपछि उनीहरुलाई सुरक्षित ठाउँमा सारिएको हो ।

जुम्लाकै कनकासुन्दरी-५ मा घर भत्कँदा एकै परिवारका पाँच जना र छिमेकी दुई जनाको ज्यान गएको जिल्ला प्रहरी कार्यालय जुम्लाले जनाएको छ । यसैगरी जिल्लाभर घर भत्किएका विभिन्न खबरहरु आइरहेका छन् ।

टेलिफोन नहुँदा जिल्लाभरको क्षति विवरण पूरा आउन नसकेको प्रहरीले जनाएको छ । जिल्ला प्रहरी कार्यालयका अनुसार हिमा गाउँपालिका-५ का धनबहादुर शाहीको घर भत्किएको छ ।

यसैगरी गुठीचौर गाउँपालिका देपालगाउँमा कमलसिंह खत्री र गोविन्द खत्रीको घर भत्किएर क्षति भएको छ ।

प्रकाशित मिति : २०७९ असोज २२ गते शनिवार
प्रतिक्रिया दिनुहोस

Leave a Reply

Your email address will not be published. Required fields are marked *