नेपालगञ्ज ,असोज २२ । बाँकेको राप्तीसोनारी गाउँपालिका – २ टिकुलीपुरमा राप्ती नदीको बाढी पसेपछि दुई हजार मानिस सामुदायिक भवनमा गएर बसेका छन् ।
राती एक बजे बाढी पसेपछि ४ सय ५० घरधुरीका मानिस विस्थापित भएका हुन् । उनीहरू जनकल्याण सामुदायिक भवनमा गएर बसेका छन् ।
राप्तीमा पानीको सतह ९ मिटर कटेको छ । बाढीले बाढी मापन केन्द्र नै बगाइदिएको छ । त्यसले गर्दा ९ मिटर माथीको पानीको सतह मापन हुन सकेको छैन ।
पानीको सतह बढिरहेकाले तल्लो तटका बासिन्दालाई सुरक्षित ठाउँमा बस्न भनिएको छ ।
नदी बढ्दा बिहानदेखि अगैयास्थित बैसा पिकनिक स्थल अगाडिबाट कटान गरेर पानी गाउँ पस्न थालेको छ ।
बाँके प्रहरीले डुवान क्षेत्रहरूमा प्रहरी परिचालन गरेको जनाएको छ ।
प्रकाशित मिति : २०७९ असोज २२ गते शनिवार
