रुपन्देही,भदौ १३ । रुपन्देहीमा भएको दुर्घटनामा दिदीभाइको ज्यान गएको छ । दुई जना घाइते भएका छन् ।
तिलोत्तमा नगरपालिकाको वडा नम्बर ६ गोरकट्टाको भित्रि सडकमा हिजो बेलुका लु १६ प ६१३० र लु २८ प ४३७३ नम्बरको मोटरसाइकल ठोक्किँदा लु १६ प ६१३० मा रहेकी तिलोत्तमा-३ शङ्करनगरकी १२ वर्षीया समीक्षा खराल र उनका भाइ ७ वर्षीय सुग्रिव खरालको ज्यान गएको प्रहरीले जनाएको छ ।
दुर्घटनामा दुई जना घाइते भएका छन् । उनीहरुको क्रिमशन अस्पताल मणिग्राममा उपचार भइरहेको छ ।
दुवै मोटरसाइकल तीव्र गतिमा रहेका कारण दुर्घटना भएको जिल्ला प्रहरी कार्यालय रुपन्देहीले जनाएको छ ।
प्रकाशित मिति : २०७९ भाद्र १३ गते सोमवार
