तुलसीपुर, साउन १३ । दाङको तुलसीपुरमा सिंचाई कुलोमा डुबेर एक जनाको मृत्यु भएको छ ।
तुलसीपुर उपमहानगरपालिका वडा नम्बर २ पोटलीका २६ वर्षीय नरेश चौधरीको स्थानीय सिंचाई कुलोमा डुबेर मृत्यु भएको इलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिए ।
घर परिवारका अनुसार नरेश छारे रोगका बिरामी थिए । खेतमा पानी लगाउन गएका चौधरीलाई छारे रोगले समातेपछि उनी कुलोमा परेको र त्यही डुबेर मृत्यु भएको पूर्व अनुमान भइ रहेको डिएसपी अर्यालले बताए ।
चौधरीको शव पोष्ट मार्टमका लागि राप्ती प्रादेशिक अस्पताल तुलसीपुरमा ल्याइएको छ ।
प्रकाशित मिति : २०७९ साउन १३ गते शुक्रवार
