तुलसीपुर, असार १९ । तुलसीपुरबाट प्रतिबन्धित लागुऔषध ब्राउन सुगरसहित दुई युवक पक्राउ परेका छन् ।
तुलसीपुर उपमहानगरपालिका वडा नं. ७ का २६ बर्षीय सुन्दर नेपाली र ३० बर्षीय सञ्तोष नेपाली आइतबार दिउँसो साढे ३ बजेतिर वडाको राजापुरबाट पक्राउ परेका हुन ।
इलाका प्रहरी कार्यालय तुलसीपुरबाट प्रहरी नायव निरीक्षक प्रमाद भण्डारीको नेतृत्वमा खटिएको प्रहरी टोलीले उनीहरुलाई पक्राउ गरेको थियो ।
उनीहरुको साथबाट ३ सय २० मिलीग्राम ब्राउन सुगर बरामद भएको प्रहरीले जनाएको छ ।
पक्राउ परेकाहरु माथि थप अनुसन्धान जारी रहेको प्रहरीले जनाएको छ ।
प्रकाशित मिति : २०७९ असार १९ गते आइतवार
