दाङ,जेठ १३ । दाङमा ट्रकको ठक्करबाट मोटरसाइकल चालकको ज्यान गएको छ ।
घोराही–तुलसीपुर सडक खण्ड अन्तर्गत घोराही-१० सेवार खोला नजिकै गएराति रा १ क ४३७३ नम्बरको ट्रकले रा ५ प १५३ नम्बरको मोटरसाइकलाई ठक्कर दिँदा मोटरसाइकल चालकको ज्यान गएको हो।
दुर्घटनामा घोराही-१९ नयाँ बस्तीका २५ वर्षीय बागकुमार पुनकाे ज्यान गएकाे जिल्ला प्रहरी कार्यालय दाङका सूचना अधिकारी तथा प्रहरी नायब उपरीक्षक मुकुन्द प्रसाद रिजालले बताए ।
उनकाअनुसार घोराहीबाट तुलसीपुर जाँदै गरेकाे ट्रकले माेटरसाइकललाई ठक्कर दिएकाे थियाे ।
पुनकाे शव राप्ती स्वास्थ्य विज्ञान प्रतिष्ठान घोराहीमा राखिएको र थप अनुसन्धान भइरहेको प्रवक्ता रिजालले बताए ।
प्रकाशित मिति : २०७९ जेष्ठ १३ गते शुक्रवार
