२०८१ असार ९ गते शनिवार

पशुपति क्षेत्रमा दलितका लागि समेत पूजाको ब्यबस्था गरिनु पर्छ – बिश्ववकर्मा

तुलसीपुर, असार २६ । राष्ट्रिय दलित आयोगका अध्यक्ष देवराज विश्वकर्माले जातिय विभेद विरुद्धको अब नयाँ ढंगबाट अघि बढ्ने बताएका छन ।

राष्ट्रिय दलित पत्रकार संघ दाङको आयोजनामा शनिबार तुलसीपुरमा भएको पत्रकार सम्मेलनमा बोल्दै उनले यस्तो बताएका हुन ।

यसका लागि दश र पञ्च बर्षीय योजना बनाएर आयोग अघि बढेको उनले जानकारी दिए ।

पछिल्लो समय देशका विभिन्न स्थानमा दलित समुदाय माथि भएका बिभेदका घटनाले थप गम्भीर बनाएको भन्दै विश्कर्माले गैर दलितको सहभागीतामा अभियान अघि बढाउने बताए ।

आयोगले विभिन्न संयन्त्रहरु संग समन्वय र सहकार्य गरी जातिय विभेद विरुद्धका जनचेतनामुलक अभियान संचालन गर्ने तयारी गरिरहेको पनि उनले जानकारी दिए ।

विभेद अन्त्यका लागि कक्षा ८ देखि स्नातक तहसम्मका विद्यार्थीलाई स्वंयमसेवकका रुपमा परिचालन गर्ने योजना बनाएको बिश्वकर्माको तर्क छ ।

विद्यालय स्तरमा पाठ्यक्रम निर्माणमा पनि आफूहरु सक्रिय रहेको उनले बताए ।

उनले पशुपति क्षेत्रमा दलितका लागि समेत पूजा गर्ने व्यबस्था गर्ने र त्यसबाट धार्मिक रुपले विभेद अन्त्य हुने बिश्वास ब्यक्त गरे ।

त्यसबारे पशुपति विकास कोषसंग छलफल भइरहेको उनले बताए ।

संघका अध्यक्ष बसन्त परियारको अध्यक्षतामा भएको पत्रकार सम्मेलनको सहजिकरण सचिब अर्जुन परियारले गरेका थिए ।

 

 

प्रकाशित मिति : २०७८ असार २६ गते शनिवार
प्रतिक्रिया दिनुहोस

Leave a Reply

Your email address will not be published. Required fields are marked *