तुलसीपुर, असार २० । ९ ग्राम प्रतिबन्धित लागु औषध ब्राउन सुगरसहित तुलसीपुरका रमेश पन्त पक्राउ परेका छन् ।
तुलसीपुर उपमहानगरपालिका वडा नं.६ निवासी २७ बर्षीय पन्त ९ शनिबार बेलुका ८ बजे तुलसीपुर १३ दमारगाउँस्थित प्रहरी चेकप्वान्टबाट पक्राउ परेका हुन ।
इलाका प्रहरी कार्यालय तुलसीपुरका प्रबक्ता प्रहरी निरिक्षक झलक शर्माका अनुसार नेपालगञ्जबाट ट्याक्सी बुक गरेर एक्लै आइरहेका पन्तलाई आशंका लागेर चेकजाँच गर्ने क्रममा उनको साथबाट ब्राउन सुगर बरामद भएको हो ।
ट्याक्सी र चालकलाई पनि प्रहरीले नियन्त्रणमा लिएको छ । तर, ट्याक्सी चालकले आफु भाडामा आएको हुँदा पन्तले ब्राउन सुगर ल्याएको बारेमा अनभिता ब्यक्त गरेका छन् ।
चालकको सम्लग्नता भए नभएको बारे अनुसन्धान जारी रहेको प्रहरीले प्रबक्ता शर्माले जानकारी दिए ।
पक्राउ परेका पन्तलाई आइतबार म्याद थपका लागि दाङ जिल्ला अदालत घोराहीमा लगिएको प्रहरीले जनाएको छ ।
पन्त बिकरुद्ध लागु औषध सम्बन्धि मुद्दा चलाएर आवश्यक अनुसन्धान सुरु गरिने प्रहरीले जनाएको छ ।
