दाङ, असार १४ । दाङका एक जनासहित बाँकमा उपचाररत तीन जना कोरोना संक्रमितको मृत्यु भएको छ ।
भेरी अस्पताल नेपालगञ्जमा उपचाररत उनीहरुको तीन घन्टाको अन्तरालमा मृत्यु भएको हो ।
दाङको घोराही उपमहानगरपालिका वडा नं. ११ का ६८ बर्षीय पुरुषको सोमबार बिहान साढे २ बजेतिर भेरी अस्पतालमा मृत्यु भएको छ ।
बाँकेका कोरोना फोकल पर्सन तेज वलीका अनुसार प्यूठानको झिमरुक गाउँपालिका वडा नं. ३ का ३८ बर्षीय पुरुषको सोमबार बिहान १ बजेतिर र दैलेखको आठबिसकोठ नगरपालिका वडा नं. ४ का ७३ बर्षीय पुरुषको सोमबार बिहान सवा ३ बजेतिर भेरी अस्पतालमा मृत्यु भएको थियो ।
यो संगै बाँकेमा हालसम्म ६७१ जना कोरोना संक्रमितको मृत्यु भएको छ ।
त्यसमध्य बाहीरी जिल्लाबाट उपचारका लागि लगिएका ३६१ जना र बाँकेका ३१० जनाको मृत्यु भएको छ ।
कुनैदिनको कोरोना हटस्पट बाँके पछिल्लो समय संक्रमितको दर लगभग सून्यमा झरी सकेको अधिकारीहरु बताउँछन् ।
आइतबार बाँकेका एकजनामा पनि संक्रमन पुष्टि नभएको फोकल पर्सन वलीले जानकारी दिएका छन् ।
