तुलसीपुर, जेठ २२ । सलाईको बट्टामा राखेको ब्राउन सुगरसहित तुलसीपुरबाट शुक्रबार एक युवक पक्राउ परेका छन् ।
तुलसीपुर उपमहानगरपालिका वडा नं. १ भमके निवासी ३२ बर्षीय बिरबल गरङ्जा प्रतिबन्धित लागु औषध ब्राउन सुगरसहित पक्राउ परेको प्रहरीले जनाएको छ ।
गोप्य सूचनाको आधारमा खटिएको प्रहरी टोलीले गरङ्जालाई भमेक गाउँबाटै पक्राउ गरेको र शरिर खान तलासी गर्ने क्रममा सलाईको बट्टा भित्र लुकाई राखेको अवस्थामा ११ पुरिया ब्राउन सुगर बरामद भएको जिल्ला प्रहरी प्रबक्ता मुकुन्दप्रशाद रिजालले जानकारी दिएका छन् ।
डिएसपी रिजालका अनुसार तत्लका तौलगर्दा उक्त ब्राउन सुगर १ ग्राम ५०० मिलि ग्राम रहेको थियो ।
पक्राउ परेका गरङ्जालाई लागु औषध शिर्षकमा मुद्दा चलाइएको डिएसपी रिजालले बताएका छन् ।
प्रकाशित मिति : २०७८ जेष्ठ २२ गते शनिवार