तुलसीपुर, १३ बैशाख । दाङमा एकै दिन १५२ जनामा कोरोना भाईरस संक्रमण पुष्टि भएको छ ।
राप्ती स्वास्थ्य विज्ञान प्रतिष्ठान घोराहीमा गरिएको पीसीआर परीक्षणमा जिल्लाका १५२ जनामा कोरोना पोजेटिभ देखीएको छ । २५२ जनाको कोरोना परिक्षण गरिएको थियो ।
यो संगै जिल्लामा सक्रिय संक्रमितको सङ्ख्या ६ सय ८२ पुगेको छ । कोरोना परिक्षण भएका मध्ये ७५ प्रतिशतभन्दा धेरैमा संक्रमण पुष्टि हुने गरेको छ ।
पछिल्नो समय जिल्लामा कोरोना संक्रमणको दर उच्च देखीएको छ ।
यसैबिच तुलसीपुरमा ४५ जनालाई कोरोना पुष्टि भएको छ । प्रतिष्ठानमा ५२ जनाको नमुना परिक्षण गरिएकोमा ४५ जनाको रिपोट पोजेटिभ आएको छ ।
यो संगै तुलसीपुरमा सक्रिय संक्रमितको संख्या २६५ पुगेको छ । जम्मा सक्रिय संक्रमित संख्या मध्ये सोमवार २१ जना कोरोना मुक्त भएका छन् ।
प्रकाशित मिति : २०७८ बैशाख १३ गते सोमवार
