२०७७ माघ ८ गते बिहिवार

तुलसीपुरमा दूर्घटना – बहिनीको मृत्यु, दाजु घाइते

तुलसीपुर, मंसिर १ । तुलसीपुरमा सवारी दूर्घटना हुँदा बहिनीको मृत्यु भएको छ भने दाजु घाइते भएका छन् । तुलसीपुर उपमहानगरपालिका वडा नं. १९ विजौरी निवासी २२ बर्षीया मनिसा लामिछानेको मृत्यु भएको छ । उनका दाजु २४ बर्षीय विराज लामिछाने घाइते भएका छन् ।

रा १ प ६७२१ नम्वरको मोटरसाईकलबाट विजौरीबाट तुलसीपुर तर्फ आउँदै गरेका उनीहरुलाई तुलसीपुरवाट विजौरी तर्फ जाँदै गरेको लु अ.अ. क. ३९४६ नम्बरको स्कार्पियोले दिउँसो सवा १२ बजेतिर तुलसीपुर ६ हात्तिखौवा चोक नजिकै ठक्कर दिएको थियो ।

गम्भीर घाइते दुबै दाजु र बहिनीलाई तुलसीपुरस्थित राप्ती प्रादेशिक अस्पतालमा प्रारम्भीक उपचार पछि थप उपचारका लागि बाँकेको नेपालगञ्ज रेफर गरिएको थियो ।

उपचारको क्रममा बहिनीको बेलुका साढे ५ बजेतिर मृत्यु भएको र दाजुको उपचार जारी रहेको इलाका प्रहरी कार्यालय तुलसीपुरका प्रमुख डिएसपी शिवबहादुर सिंहले जानकारी दिए ।

मनिसा रेडियो हाम्रो पहुँचकी प्राविधिक हुन । उनी टिका लगाएर रेडियोमा आउँदै गर्दा दूर्घटनामा परेकी थिइन । स्कार्पियो चालकलाई प्रहरीले नियन्त्रणमा लिएको छ ।

प्रकाशित मिति : २०७७ मङ्सिर १ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *