दाङ,कात्तिक २१ । जाजरकोट जिल्लाका दूई व्यक्ति रुकुम पश्चिम जिल्लामा १२ केजी अफिमसहित पक्राउ परेका छन् । पक्राउ पर्नेमा जाजरकोट जिल्लाको नलगाड नगरपालिका वडा नं. ८ निवासी ४६ बर्षीय मालबहादुर सिंह र सोही ठाउँ निवासी ६० बर्षीय कालिबहादुर सिंह रहेका छन् ।
उनीहरु रुकुम पश्चिमको आठबिसकोट नगरपालिका वडा नं. ९ राडी बजारस्थित धिरेन्द्र शाहको घरवाट पक्राउ परेका हुन । जिल्ला प्रहरी प्रबक्ता प्रहरी निरिक्षक हरि वलीका अनुसार उनीहरुलाई शाहको घरमा कोठा भाडामा बस्दै आएका थिए ।
लागु औषधको कारोवार भइरहेको भन्ने गोप्य सूचनाको आधारमा प्रहरीले उनीहरु बस्ने कोठामा छापा मारेर लागु औषधसिहत उनीहरुलाई शुक्रवार विहान पक्राउ गरिएको प्रहरी निरिक्षक वलीले जानकारी दिए ।
पक्राउ परेका दुबै जनामाथि आवश्यक अनुस भइरहेको प्रहरीले बताएको छ । उनीहरुका विरुद्ध लागु औषध कारोवार सम्वन्धि मुद्दा चलाउने प्रहरीले जनाएको छ ।
