दाङ, मसिर २२ । नेपाल भ्रमण वर्ष २०२० लाई सफल बनाउन जिल्लामा गठन भएको जिल्ला स्तरीय
पर्यटन प्रवद्र्धन समितिले स्थानीय नारा तय गरेको छ ।
समितिका संयोजक तथा जिल्ला समन्वय समितिका प्रमुख जितेन्द्रमान नेपालीको अध्यक्षतामा सोमवार
बसेको सचिवालयको बैठकले ‘पर्यटन विकाशको हाम्रो चाहना, दाङको संवृद्धि हाम्रो कामना’ नारा तय गरेको हो ।
बैठकले सवै संघ संस्थालाई नेपाल
भ्रमण वर्षको व्यानर निर्माण गरेर ठाउँ ठाउँमा राख्नको लागि समेत अनुरोध गरेको छ । बैठकले नेपाल भम्रण वर्ष २०२० को उद्घाटन पुुस १६ गते घोराही उपमहानगरपालिकाका १३ को बाह्रकुुनेदहमा प्रस्ताव गर्ने निर्णय समेत गरेको छ ।
त्यसैगरेर पालिकासम्म कार्यक्रमलाई प्रभावकारी र व्यवस्थित बनाउन सवै पालिकासंग छलफल अघि बढाउने निर्णय गरेको छ । सोमवार राप्ती गाउँपालिकाको देविकोटमा पालिकाका प्रमुख तथा स्थानीयसँग सोही विषयमा छलफल भएको छ ।
