विमला वली । तस्बिर : राजेश खत्री
दाङ,मंसिर २ । नेकपाकी प्रदेशसभा सदस्य पदकी उम्मेदवार विमला वलीले आफुलाई उत्तर संझेर मतदान गर्न आग्रह गरेकी छन् । सोमवार शान्तिनगर गाउँपालिको जुम्लेकुलामा आयोजित चुनावी सभालाई सम्वोधन गर्दै दाङको निर्वाचत क्षेत्र नं. ३ (२) मा नेकपाले प्रस्तुत गरकी उम्मेदवार वलीले आफुलाई आफ्ना स्वर्गिय पति उत्तर संझेर मतदान गर्न अपिल गरेकी हुन ।
‘मलाई पनि उत्तरलाई जस्तै माया गर्नुहोस,’ वलीले भनिन् ‘उहाँका अधुरा सपना पुरा गर्न म भूमिका खेल्ने छु।’ उत्तरका अधुरा सपना के थिए भन्ने बारेमा भने उनले कुनै उल्लेख गरिनन् । गत माघमा सडक दुर्घटना पछि मृत्यु भएका उनका स्वर्गिय पति उत्तरको नाम उल्लेखगर्दा विमलाको अनुहार मनतब्यकै क्रममा मलिन बनेको देखिन्थ्यो ।
त्यस्तै उनले विमलाको उमेर सानै छ त्यसले के गर्ली भन्ने सोच नपाल्न आग्रह गरिन । उम्मेदवार वलीले भनिन् – ‘अवसर पाए मैलेपनि गरेर देखाउने छु । त्यसैले नारीलाई कमजोर नसंझिदिनुहोला।’
सरस्वती र देबी समेत नारी भएको भन्दै हाल नेकपाले सम्मान गरेर विद्यादेवी भण्डारीलाई राष्ट्रपति बनाउनु राम्रो कुरा भएको उनले बताइन । वलीले आफुले जितेमा व्याप्त भ्रष्टचार न्यूनिकरणमा भूमिका खेल्ने प्रतिवद्धता जाहेर गरिन ।
कार्यक्रमलाई नेकपाका जिल्ला अध्यक्ष टीकराम खड्का, नेताहरु कुवेर वली, चूर्णबहादुर वली,कोमल वली लगाएतका नेताहरुले सम्वोधन गरेका थिए ।
