Farakkon

News Portal From Nepal, 'Information, Your Rights'


दाङ भन्दा पूर्व राजधानी भए स्वीकार्न सकिदैन – धवल समशेर राणा



दाङ,कात्तिक २० । नेपालगञ्ज उपमहानगरपालिकाका मेयर धवल समशेर राणाले दाङ भन्दा पूर्व राजधानी भए कुनैपनि हालतमा स्वीकार्न नसकिने बताएका छन् । दाङको तुलसीपुरमा बुधवार राष्ट्रिय प्रजातन्त्र पार्टीले आयोजना गरेको चुनावी सभालाई सम्वोधन गर्दै राप्रपाका नेता समेत रहेका मेयर राणाले नेपालगञ्ज वा दाङ मध्य एक ठाउँलाई प्रदेश राजधानी बनाउनु पर्ने माग गरे ।

बुटवल अपाई पर्ने हुँदा पुरानो मध्यपश्चिमका जनतालाई स्वीकार्य नहुने बरु त्यो भन्दा सुर्खेत जान सहमत हुने धारणा व्यक्त गरे । मेयर राणाले यसअघि पनि बुटवल राजधानी बनाइए बाँके र बर्दिया ५ नम्वर प्रदेशवाट अलग हुने चेतावनी दिदै आएका छन् ।

दाङसम्म राजधानी भएमा बाँके बर्दियाका जनतलाई चित्त बुझाउन सजिलो हुने तर्क गरेका उनले दाङ भन्दा पूर्व राजधानी अर्थात अझैं टाढा बुटवल लगियो भने त्यो सहन नसक्ने स्थितिहुने तर्क गरे । बुटवला भन्दा बर्दिया, बाँके र दाङका सबै सम्वन्धहरु कर्णाली प्रदेशसंग गाँसिएको उनले उल्लेख गरे । ‘बरु हामीलाई कर्णाली प्रदेशमा गाभिन सजिलो हुन्छ,तर,बुटवल त कुनैपनि हालतमा स्वीकायर्न हुनै सक्दैन,’ राणाले भने ।

बुटवल राजधानी भए बाँके र बर्दियाले ठूलो आन्दोलन गर्ने चेतावनी दिएका मेयर राणाले त्यसमा दाङले पनि सहयोग गर्नुपर्ने बताए । बरु सुर्खेतलाई स्वीकार गर्न सजिलो हुने तर बुटवल जान बडा नसकिने उनको जिकिर गरे । ‘यो कुरालाई गाँठो बानेर राख्नुहोस,’ मेयर राणाले भने ‘ हामी त्यो निर्णयको प्रतिक्षामा छौं । केही गरेर बुटवलमा राजधानी भयो भने बाँके र बर्दियाले ठूलो आन्दोलन गर्ने छन्।’

नेकपाले दाङलाई राजधानी बनाउँछौं भन्दै भोट मागेको भएपनि आजसम्म त्यो काम नगरेको भन्दै उनले रोष प्रकट गरे ।

प्रतिक्रिया दिनुहोस्

Your email address will not be published. Required fields are marked *

फेसबुक प्रतिकृया


    सोसल मिडिया

  • टुइटरमा पछ्याउनुहोस
  • फेसबूक पेज लाईक गर्नुहोस
  • युट्युब च्यानल सब्स्क्राइब गर्नुहोस
  • इमेल गर्नुहोस

हाम्रो टिम

अध्यक्ष
बिनिल केसी

व्यवस्थापन
दुर्गा खड्का


प्रधान सम्पादक
अर्जुन गिरी

सम्पादक
नारायण खड्का

मल्टिमिडिया
राजेश खत्री

ग्राफिक्स डिजाइनर
लालु चौधरी

रिपोर्टर
यमकला भुसाल
© २०१८ Farakkon.com सर्वाधिकार सुरक्षित | Website by : WitNepal