दाङ, असोज ४ । दाङको तुलसीपुरमा दोस्रो तरुण कप फुटबल प्रतियोगिता २०७६ हुने भएको छ । तरुणदल तुलसीपुर उप–महानगरपालिका वडा नं ५ को आयोजनामा संचालन गरिन लागेको जिल्ला स्तरिय फुटबल प्रतियोगिता आउदो असोज १० गतेदेखि सुरु हुने प्रतियोगिता सम्पूर्ण तयारी पुरा भएको आयोजक तरुणदल तुलसीपुर उपमहानगरपालिका वडा नं ५ का सभापति सुनिलबाबु डाँगीले जानकारी दिए ।
स्थानिय स्तरमा खेलकुदको पहुच अभिवृद्धि गर्ने र नयाँ पिढीलाई फुटबल खेलमा स्थापित गर्ने उदेश्यका साथ आयोजना गरिएको प्रतियोगितामा जिल्लाका १६ टिमको सहभागिता रहने सभापति डाँगीले जानकारी दिए ।
प्रतियोगिताको उपाधी चुम्ने टिमले नगद ६६ हजार ६ सय ६६, पुरस्कार, कप, मेडल, प्रमाणपत्र हात पार्नेछ । त्यस्तै उपविजेताले नगद ३३ हजार ३ सय ३३, मेडल, प्रमाणपत्र हात पार्ने सभापति डाँगीले बताए । त्यस्तै प्रतियोगिता अवधीभर उत्कृष्ट खेल प्रर्दशन गर्ने ब्यक्तीगत बिधा तर्फ वेस्ट प्लेयर,वेस्ट डिफेन्स, वेस्ट किप्पर र ब्यस्ट कोच को छनौट पर्नेलाई ट्रफी, मेडल तथा प्रमाणपत्र प्रदान गरिनेछ ।
असोज १६ गते सम्म चल्ने प्रतियोगिताका खेलहरु नकाउटका आधारमा खेलाईनेछ ।
