दाङ, भदौ १ । राप्ती नदीमा बग्न पुग्दा एकजना ८२ बर्षीय बृद्ध बेपत्ता भएका छन् । लमही नगरपालिका वडा नं. ९ तरुले निवासी ८२ बर्षीय झुपलाल नेपाली राप्ती नदीमा बगेर बेपत्ता भएका छन् । जिल्ला प्रहरी कार्यालय दाङका प्रवक्ता विनोद विक्रम शाहले शनिवार दिउँसो २ बजेतिर नेपाली राप्ती नदीमा खस्न पुग्दा बेपत्ता भएको बताए ।
छिमेकी गाउँ कोलतारावाट आफ्नो घर तरुले तर्फ आउने क्रममा नेपाली राप्ती नदीमा खसेका थिए । बेपत्ता नेपालीको खोजी कार्य जारी रहेको प्रहरीले बताएको छ ।
प्रकाशित मिति : २०७६ भाद्र १ गते आइतवार
