२०८१ असार ८ गते शुक्रवार

एलिमिनेटरमा आज आरसिबी र राजस्थानले प्रतिस्पर्धा गर्दै


काठमाडौं ,जेठ ९ । इन्डियन प्रिमियर लिग (आईपिएल) अन्तर्गत बुधबार एलिमिनेटरमा रोयल च्यालेन्जर्स बैंग्लोरु (आरसिबी) र राजस्थान रोयल्सले प्रतिस्पर्धा गर्दैछन्।

आरसिबी लगातार ६ खेलमा जित निकाल्दै एलिमिनेटरमा प्रतिस्पर्धा गर्न पुगेको हो। यता राजस्थान भने सुरुवातामा राम्रो प्रदर्शन गरेर पछिल्लो पाँच खेलमा एउटा पनि जित निकाल्न नसके पनि तेस्रो स्थानमा रहँदै एलिमिनेटर खेल्न पुगेको हो।

आरसिबी फममा रहेको र राजस्थानको कमजोर प्रदर्शनमाथि फाइदा उठाउने धेरै क्रिकेट पण्डितको मत छ। आरसिबीका ओपनर विराट कोहली राजस्थानका लागि घातक हुनसक्छन्।

यो सिजनमा सबैभन्दा बढी रन बनाएका कोहलीकै प्रदर्शनका कारण आरसिबी प्लेअफमा पुगेको हो। उनले ५९ वटा चौका र ३७ वटा छक्कासहित सर्वाधिक ७०८ रन बनाएका छन्।

राजस्थानका ओपनर यशस्वी जैसवालले पछिल्ला खेलमा राम्रो प्रदर्शन गर्न नसक्दा राजस्थान कमजोर देखिएको छ।

आजको खेलमा पराजित टिमको आईपिएल यात्रा सामाप्त हुनेछ भने विजयी टिमले पहिलो क्वालिफायरमा पराजित सनराइजर्स हैदरावादसँग दोस्रो क्वालिफायरमा प्रतिस्पर्धा गर्नेछ।

पहिलो क्वालिफायरमा कोलकाता नाइट राइडर्ससँग ८ विकेटले पराजित हुँदै हैदरवाद तेस्रो क्वालिफायरमा पुगेको छ। कोलकाता सिधै फाइनल पुगिसकेको छ। दोस्रो क्वालिफायरको विजेताले कोलकातासँग फाइनल खेल्नेछ।

प्रकाशित मिति : २०८१ जेष्ठ ९ गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *