२०८१ बैशाख १० गते सोमवार

दोश्रो हिरा डाँगी स्मृति कप फुटबल जारी : एसएसएफए र टरिगाउँ सेमिफाइनलमा

लक्ष्मण बस्नेत,तुलसीपुर,फागुन ३ । तुलसीपुरको अरनिको सर्वाधिक पुरस्कार राशिको दोश्रो हिरा डाँगी स्मृति कप आमन्त्रित फुटबल प्रतियोगिता २०७९ मा स्पोर्ट्स स्कुल फुटबल एकाडेमी तुलसीपुर  र टरिगाउँ युवा क्लब सेमिफाइनलमा प्रवेश गरेका छ्न् ।

हिरा डाँगी फाउण्डेसन तुलसीपुर ५ को आयोजनामा संचालित प्रतियोगिता अन्तरगत आज बुधबार सम्पन्न आफ्नो पहिलो खेलमा फोरब्रदर्स नवलपरासी लाई एकका बिरुद्ध तीन गोल अन्तरले पराजित गर्दै स्पोर्ट्स स्कुल फुटबल एकाडेमीले सेमिफाइनल यात्रा तय गरेको हो ।

उल्लेख्य दर्शकले भरिएको अरनिको मैदानमा भएको कडा प्रतिस्पर्धात्मक र रोमाञ्चक खेलको ८ औ मिनेटमा स्पोर्ट्स स्कुल फुटबल एकाडेमिका जर्सी न ११ का मनराज बाठाले पहिलो गोल गर्दै पहिलो हाफ्को समाप्तिमा टिमलाई एक सुन्यको अग्रता दिलाए।

त्यस्तै जर्सी न १० का बिनोद केसिले दोस्रो हाफ्को ७ औ मिनेट गोल गरे । उता आफ्ना थुप्रै गोल गर्ने सुनौलो अवसर गुमाएको फोरब्रदर्स नवलपरासीका जर्सी न ७ निशान्त थारुले दोस्रो हाफ्को १३ औ मिनेटमा जवाफी गोल गर्दा स्पोर्ट्स स्कुलका जर्सी न ११ का मनराज बाठाले खेलको ९० औ मिनेटमा थप एक गोल गर्दै टिम लाई ३-१ को जित दिलाउन सफल भए ।

त्यस्तै बडहरा फुटबल क्लब घोराही लाई सुन्यका विरुद्ध दुई गोलले पराजित गर्दै टरिगाउँले सेमिफाइनल यात्रा तय गरेको हो ।

स्थानीय स्तरमा फुटबल खेलको पहुँच अभिवृद्धि गर्ने र व्यवसायिक फुटबल खेलको विकासमा थप टेवा पु-याउने उदेश्यका साथ आयोजना गरिएको प्रतियोगितामा भोलि बिहिवार ज्ञानज्योती इनोभेटिभ तुलसिपुर र युएनबिसी भिड्नेछन् । खेल दिउँसो ३ बजे हुनेछ ।

प्रतियोगितामा उपाधि चुम्ने टिमले नगद १ लाख ५१ हजार पुरस्कार, कप, मेडल, प्रमाणपत्र हात पार्नेछ । त्यस्तै उपविजेताले नगद ७५ हजार ५ सय, कप ,मेडल, प्रमाणपत्र हात पार्नेछ ।

त्यस्तै प्रतियोगिता अवधिभर सर्वोत्कृष्ट खेल प्रर्दशन गर्ने व्यक्तिगत बिधा तर्फ सर्वोउत्कृट खेलाडी,उत्कृष्ट गोलकिपर र सर्वाधिक गोलकर्ताले जनही ३ हजार ट्रफि र प्रमाणपत्र हात पार्नेछन ।

त्यस्तै प्रत्येक म्याचको म्यान अफ द म्याच घोषित हुने खेलाडीलाई केही नगद सहित ट्रफीको व्यवस्था गरिएको आयोजकले जानकारी दिएको छ ।

प्रकाशित मिति : २०७९ फाल्गुन ३ गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *