काठमाडौं,बैशाख २५ । बिहीबारको तुलनामा स्थानीय बजारमा आज पनि सुनचाँदीको भाउ बढेको छ। सुन तोलामा १ हजार ३०० र चाँदी १२० ले बढेको हो।
नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला २ लाख ९९ हजार ९०० र त्यति नै परिमाणको चाँदीको मूल्य ५ हजार २७५ कायम भएको छ ।
हिजो बिहीबार छापावाल सुन प्रतितोला २ लाख ९८ हजार ६०० र त्यति नै परिमाणको चाँदीको पाँच हजार १५५ मा कारोबार भएको थियो ।
गत बुधबार छापावाल सुनको मोल प्रतितोला २ लाख ९६ हजार ८०० र त्यति नै परिमाणको चाँदीको मुल्य पाँच हजार ५० मा खरिदबिक्री भएको थियो ।
अन्तरराष्ट्रिय सञ्चारमाध्यमका अनुसार आज अन्तरराष्ट्रिय बजारमा एक औँस सुन चार हजार ७१५ र त्यति नै परिमाणको चाँदी ७९ अमेरिकी डलरमा कारोबार भइरहेको छ।
प्रकाशित मिति : २०८३ बैशाख २५ गते शुक्रवार
